سفیر الحب

ضربّنی الحب کصر ضلعی و انا حی

فجر برکان بگلیبی و انا حــــــــــــــی

ابکثر ما دافعت لجله و اناحـــــــــــــی

نکرنی او شمت العدوان بیـــــــــــــــه

***

الدهر لا تمّن ایامه و جــــــــاره

نار الحسد بچمومه و جـــــــاره

ما فادک احچایاته و اجـــــــاره

حبل مگطوع ضل یرمش بدیه

***

خسر کلمن ترک خیله و ذرها

ذبح تاج الفخر بیده و ذرهــــــا

العداوه گوم طشّرها ذرهــــــــا

خل احبابنه تسهر سویــــــــــه

***

عجید الگوم تچیله و ســـــعده

صیر اثبات بمراحه و سعـــده

احزن و افرح ابخیره و سعده

یخلف اسباع توگف بل ثنـــیه

***

اخیک لو تحمده الناس تچلـــــه

ابضیجک یا عزیز الروح تچله

اذا صابک رمح بچلاک تچــله

یصیر ادواک لتخاف المنــــیه

***

مرامک شنهی صار او عفت خواک

اضن وجع الجفاء  بل راس خواک

لا تمن عدو اخاک خـــــــــــــواک

دهن صایر و لاکن ملح میـــــــــه

***

عوف الغیض ویه اخواک والعار

ما فاد الرجل بل حرب والعـــــار

السبع معروف عند الناس و العار

الشجاعه اتلوگ لل یجمع خویــه

***

اطفی بیک و انته ابنار دونی

یا هو اانته یبد الذات دونــــی

بستان او شتلته او ثمر دونی

تاکل بل ثمر و اتدوس ادیـه

***

عتابی اعلیک ما خلص ولا تم

اذا نفسی اجرّنه و لا تـــــــــم

ابیا دار اندفن سرکم و لاتـــم

خاطر اندعیکم بل ثنیــــــــه

***

انکصر گرن النطح منکم و عدکم

گعدتونی او نکرتولی و عدکـــــم

اذا یوجد نفس وارمش وعدکــــم

انتواعد بل ستر قبل المنیــــــــه

***

اذا ردت البشرطبعه و خلفــــاه

انظر من نطف ظهره و خلفاه

اذا شفته الادب سائه و خلفـاه

عوفه او لا تحسبه امن الخویه

***

الرجل ینعرف من طبعه و علمـــه

ابمضیفه او سادته او گومه و علمه

اولیدک درسه او فهمه و علـــــمه

یضل تاریخ الک سبه اذیــــــــــه

***

حشم لو عزل ولدک و مارد

کحل عینک شهم یشتم و مارد

احزن لو غمض عینه و مارد

یصیر اولید مرته ابهل دنیه

***

دعیتک دوم خاوینی وجــرک

ابوکت الزمن هدفلک و جرک

اذا خان الدهر بینه و جــرک

تاخذ عبره منی ابهل دنیــــه

***

یعود الضاع من اهله و داره

الیتیم الرب ایتچیلـــه و داره

امه اتنوح و اتلولی و داره

یشیّب راسه و ایعود الخویه

***

اشما ارید اترک اشعاری ما تملنی

کتبت او عجزت ایدی ما تملنـــی

الفکر والروح صاحت ماتملنــی

خل بس القلم یکتب تحیـــــــــــه

***

جاسم امحمد الجبیره الحسانی الساری

18/05/1391

ندبتک و اندعیتک ما تردنــــــی( ما تریدنی)

ترکت البیت منک ما تردنـــــــی(ما ترجعنی)

عطشت آنه و ابکاسک ما تردنی(ما تسقینی)

موتهه العطش  روحی الزچـــیه

***

دعیتک ردت اشوفک ما تجینی(ما تجی الیه)

وحق ربک احبّک ما تجینـــی( ما تاجن بیه)

اخیی او زین اعرفک ما تاجینی(لا تاجلنی)

بعد یا یوم نتقابل سویــــــــــــه

***

ردتک دوم تحضرنی و احس بیک

حسبه اتجیبنی او ترجع وحس بیک

تدری ابگلبی ربیتک ما حسبیـک

عفتنی لیش یا صهر المنیــــــــــــه

***

شوف الشمس برض القمر شعّــت

الطلابه لو گفلهه انکصر شعّــــت

عتانی الزمان ابشوک شعّـــــــت

انزرف جسمی ابکل شوکه اذیه

***

ابربک لا اطخ و منزل ولا بــات

او ما اقطع جفن صیتک و لا بت

لا امی شکت حالی و لا ابــــت

الزمان ایحودنی الدار المنیـــــــه

***

جفن عینی بقی ساهر ولا نــام

یبس دمع الجرا لجلک ولا نــم

اببیتک ما اکلت وجبه و لا نیم

اشترید اتگول و اتچمل علـیه

***

جاسم امحمد الجبیره الحسّانی الساری

16/05/1391